百元自助餐德福阁Stanford Café
2013-07-29 粤港澳大湾区城市群网YGA.CN
话说龙妈妈又去食自助餐啦！其实龙妈妈和龙爸爸食量唔多，龙爸爸对生冷野更加唔感兴趣，所以龙妈妈其实很少去食自助餐，去到系因为同屋企人庆祝生日，今次龙妈妈的妹妹生日，但龙妹妹无咩要求，有甜品食就ok啦！
龙妈妈之前见仕德福酒店有下午茶的团购，几抵，加埋一，一百蚊都唔洗，但想买的时候就已经卖晒！早几日上网睇见它的lunch 自助餐都唔贵，只系$118，而openrice仲要有8折优惠卷，加埋一，每位只需$106到，真系好平！食个lunch都要四、五十蚊啦！加上今次个自助餐仲要有蚝食，立即book位！
自助午餐由12:00-2:30，地址在旺角豉油街118号仕德福酒店阁楼
距离地铁站都有一段距离，不过酒店都几新，去到侍应安排了窗口台给我们，环境都好舒服，而侍应更加主动给BB椅给我们，真系抵赞！
坦白说未去之前已经知道选择唔多，无刺生，只有生蚝，去到见到所有食物都放在一张长桌，冷盘方面有2-3款沙律，可以自已整冷律，有冷面、冷火腿和鸭胸等，选择方面都可以接受！
不过生蚝方面真系少之又少，食了两个钟，生蚝出的次数只有5-6次，每次仲只有30只，有时每人拿5-6只，好快就给人拿晒，龙妹妹几经辛苦先拿到一碟，坦白说一百块的自助午餐可以食到生蚝，真系唔可以要求咁多，而家咁都贵，吃了呢碟生蚝已经值回票价啦！不过生蚝算太肥美，但亦唔太差，一般般货色！
之于熟食方面都系一般般，龙妈妈最欣赏的系个炸芋球和个意大利杂菜汤！个芋球几香，几脆，不过一定要它出炉的时候就要吃，淋了就唔好食，而个杂菜汤好浓，好多料，好好味！龙妈妈饮了2碗！
终于到龙妹妹最爱的甜品时间啦，小女孩总爱甜吃，甜品方面都ok，大约有十款，个芝士饼都几好食，原本兴致勃勃想食个杨枝金露，可惜不太好吃，味道怪怪的！其它甜品一般般，味道都可以接受，不过唔会有特别好吃的！不过有个朱古力喷泉，满受小朋友欢迎！
这个即制鲜果班戟系呢顿餐的最爱，即制的班戟可以自选自已喜欢的材料，刚煎起的班戟又香又烟un，而配埋融化的cream和生果，真系唔错！坦白说单系个班戟今时今日在街食都要30蚊啦！
同场仲有机磨咖啡和雪糕，仲有自选粥和即切猪柳等！雪糕虽然得2只味，但龙妹妹说味道还唔错！埋白说今场自助餐不过不失啦，虽然无咩好大的惊喜，但一分钱一分货，龙妈妈从来都明白呢个道理，现在百物腾贵，出街食一个饭都要40蚊，现在有咁多野食，环境亦唔差，坐低轻轻松松食一顿，咁的价钱虽未去到超值，但亦十分合理啦！
